Birdy (koa-chhiú) – Wikipedia

跳至內容 Wikipedia (chū-iû ê pek-kho-choân-su) beh kā lí kóng... Birdy2013 nî 9 goe̍hCha-bó͘ koa-chhiúPún-miâJasmine van den BogaerdeChhut-sì1996 nî 5 goe̍h 15 ji̍t （1996-05-15）(29 hòe) Eng-kok Hampshire[1]Chit-gia̍pkoa-chhiú, sû-khek chok-kaIm-ga̍k lūi-hêngthoân-thóngGa̍k-khìsiaⁿ, kǹg-khîm, gì-tahOa̍h-hiáⁿ sî-tāichū 2008 nî kàu taⁿBāng-chāmofficialbirdy.com Birdy (1996 nî 5 goe̍h 15 ji̍t chhut-sì )[2], chhut-sì choân-miâ hō-chò Jasmine Lucilla Elizabeth Jennifer van den Bogaerde[3], sī chi̍t ūi Eng-kok ê cha-bó͘ koa-chhiú kiam sû-khek chok-ka. I tī 2008 nî ê sî-chūn iâⁿ-tio̍h Open Mic UK im-ga̍k pí-sài, hit-tang-chūn i chiah 12 hòe. I-ê tē-it tiuⁿ tan-khek sī hoan-chhiùⁿ Bon Iver ê chok-phín Skinny Love, mā-sī ián-gē seng-gâi ê chi̍t hāng tōa tu̍t-phòa; to̍k-to̍k chit tiuⁿ tan-khek chiū hō͘ i tit-tio̍h Ò-tāi-lī-a ê 6 pái pe̍h-kim jīn-chèng. I-ê tē-it tiuⁿ kāng-miâ choan-chip Birdy jiân-āu tī 2011 nî 11 goe̍h 7 hō hoat-hêng, kāng-khoán koh tī Ò-tāi-lī-a, Pí-lī-sî kap Hô-lân tit-tio̍h pâi-hâng tē-it ê sêng-chiū. 2013 nî 9 goe̍h 23 hō, i-ê tē-jī tiuⁿ choan-chip Fire Within tī Eng-kok kap kî-thaⁿ chiu-piⁿ kok-ka hoat-hêng. Chá-nî seng-oa̍h kap kàu-io̍k[siu-kái | kái goân-sí-bé] 1996 nî 5 goe̍h 15 hō, Birdy tī Eng-kok Hampshire ê Lymington chhut-sì. I-ê lāu-pē sī Rupert Oliver Benjamin van den Bogaerde; lāu-bú sī Hon. Sophie Patricia (née Roper-Curzon)[3] sī chi̍t ūi kǹg-khîm-ka. Birdy chū 7 hòe khai-sí o̍h tôaⁿ kǹg-khîm; tī 8 hòe ê sî-chūn chiū khai-sí chhòng-chok ka-kī ê im-ga̍k.[4] In pē-bú tī 1995 nî kiat-hun, tû-liáu Birdy, iáu-ū lēng-gōa 2 ūi kiáⁿ-jî: Jake (1997 nî chhut-sì) kap Caitlin (1999 nî chhut-sì). Āu-lâi, Birdy chiân-óng Brockenhurst ê Brockenhurst Ha̍k-īⁿ chiū-tho̍k; he sī tī New Forest ê chi̍t keng ū-kho ha̍k-hāu. Seng-gâi[siu-kái | kái goân-sí-bé] 2008–12: Seng-gâi khai-sí, kap Birdy[siu-kái | kái goân-sí-bé] Birdy ê gē-miâ lâi-chū in lāu-bú hō ê sió-miâ, in-ūi i sè-hàn teh chia̍h-pn̄g sî, chhùi khui-khui ê bô͘-iūⁿ chiū chhin-chhiūⁿ chi̍t chiah chiáu-á.[5] In chhù-lāi-lâng kap pêng-iú lóng kiò i Birdy, kan-na lāu-su kiò i pún-miâ Jasmine. Tī 2008 nî ê sî-chūn, kan-na 12 hòe ê Birdy iâⁿ-tio̍h Eng-kok ê Open Mic UK im-ga̍k pí-sài. I tī pí-sài tiong phah-pāi chhiau-kòe 10,000 ūi chham-sài-chiá, tit-tio̍h tē-it miâ.[6][7] I bat tī pí-sài ê sî, tī 2,000 lâng ê bīn-thâu-chêng, ián-chhiùⁿ i ka-kī chhòng-chok ê koa-khek So Be Free.[8] 2013–taⁿ: Fire Within kap kî-thaⁿ oa̍h-tāng[siu-kái | kái goân-sí-bé] Tit-chióng kap thê-miâ[siu-kái | kái goân-sí-bé] Nî-hūn Chióng-hāng Lūi-pia̍t Kiat-kó 2013 nî Tē-55 Hôe Nî-tō͘ Grammy Chióng Best Song Written for Visual Media ("Learn Me Right" w/ Mumford & Sons) Thê-miâ 2014 nî 2014 Brit Chióng Eng-kok Cha-bó͘ To̍k-chhiùⁿ Gē-jîn (British Female Solo Artist) Thê-miâ Echo Kok-chè Cha-bó͘ To̍k-chhiùⁿ Gē-jîn (Female Solo Artist International) Tek-chióng Los Premios 40 Principales 2014 Best International New Act Tek-chióng Best International Album ("Fire Within") Thê-miâ Chhiùⁿ-pôaⁿ[siu-kái | kái goân-sí-bé] Lo̍k-im-sek choan-chip[siu-kái | kái goân-sí-bé] Chham-khó[siu-kái | kái goân-sí-bé] ↑ Indy Almroth-Wright Twelve year-old 'Birdy' wins UK talent contest. BBC news. December 2008. Retrieved on 6 January 2012. ↑ "712kKv9+9uL._SL1200_.jpg (1200x1023, rear cover art)". Warner Music. Amazon.co.UK. 2013. 12 November 2013 khòaⁿ--ê. ℗ & © 2013 Jasmine van den Bogaerde under exclusive licence to Warner Music UK limited. -via- "Fire Within: Amazon.co.uk: Music". Warner Music. Amazon.co.UK. 23 September 2013. 29 October 2013 khòaⁿ--ê. ↑ 3.0 3.1 Debrett's Peerage, Baronetage and Knightage, Kelly's Directories, 2000 pg. 1629 ↑ vodafone big top 40 (6 February 2011). "A new teen star is about to go top 10". Global Radio. 15 April 2011 khòaⁿ--ê. ↑ Shahesta Shaitly. "Rising star: Birdy | Culture". The Guardian. 2015-08-14 khòaⁿ--ê. ↑ Hewitt, Phil (29 November 2009). "Review: Open Mic UK national grand final, Guildhall, Portsmouth". Chichester Observer. 17 February 2011 khòaⁿ--ê. ↑ "News | Birdy set to fly high, and take on the UK top 40, after winning singing competition in 2008!". Openmicuk.co.uk. 31 December 2011 khòaⁿ--ê. ↑ The Festival. New Forest Fairs news page. Newforestfoodfairs.co.uk. Retrieved on 6 January 2012. Gōa-pō͘[siu-kái | kái goân-sí-bé] Tī Wikimedia Commons téng ê siong-koan tóng-àn: Birdy (koa-chhiú) Koaⁿ-hong bāng-chām Jîn-bu̍t, thepeerage.com; accessed 19 April 2015. Birdy tī Youtube HiánLūnPianBirdyChhiùⁿ-pôaⁿChoan-chipBirdy (2011) · Fire Within (2013)EPBreathe (2013)Tan-khekSkinny Love · Shelter · People Help the People · 1901 · Wings · No Angel · Light Me Up · Words As WeaponsKî-thaⁿNot About AngelsSiong-koanOpen Mic UK · Warner Im-ga̍k Chi̍p-thoân Lâi-goân: "https://zh-min-nan.wikipedia.org/w/index.php?title=Birdy_(koa-chhiú)&oldid=3090996" Lūi: 1996 nî chhut-sì5 goe̍h 15 ji̍t chhut-sìChāi-sè jîn-bu̍tOfficial website different in Wikidata and WikipediaEng-kok cha-bó͘ koa-chhiúEng-kok gín-á koa-chhiú Chhiau-chhoē Birdy (koa-chhiú) 50 chióng gí-giân Ke chi̍t-ê toān-lo̍h